வார்த்தையின் வாசமே

உன் நிஜத்தின் பின்னால்
நிழல்
அழைந்ததைவிட,
உன் நினைவின் பின்னால்
நான்
அழைந்ததே அதிகமடி.....

*************

இறைவன் பெயர் வைத்த உறவுகள் -
ஜீவனை தொலைக்காதவரை தொடரும்....
இதயம் பெயர் வைத்த உறவுகள் -
அன்பை தொலைக்காதவரை தொடரும்....

***************

உன் உடலை
உரசும்வரை,
என் உடைகளுக்கு உயிர்பிறக்கவில்லை.... உன் கண்களை காணும்வரை,
என் கவிதைகளை காணவில்லை.....
உன் அன்பை அனுபவிக்கும்வரை,
என் மனது மணக்கவில்லை....
உன் மூச்சுவாசம் நுகராதவரை,
வாசங்கள்
என் நுரையீரல் நுழையவில்லை....

***************

மணலோவியம் மழை தொடும்வரை நிலைக்கும்....

மனதோவியம் மரணம் தொடும்வரை நீடிக்கும்....

************

விடியலின் வெளிச்சத்தில்

விழிமூட காத்திருக்கும் விண்மீன்கள் போலவும்,

பனியின்முகம் பார்த்து

கண்திறக்கும்  கதிரவன் போலவும்,

தினமும் பிறக்க ஆசைபடுகிறேன்,

மரணம் பிறக்கும் வரை....

**********

 கருமேகங்களை கலைத்திட காற்றின் கைகள் போதுமடி..

கண்ணீர் மேகங்களை கலைத்திட உன் வார்த்தையின் வாசமே போதுமடி...

*************

எந்தபெண்ணோட மூச்சுகாற்றையும் ஏற்பேன் சுவாசிப்பதற்காக...
உன்னை மட்டுமே என்னவளாக ஏற்பேன் நேசிப்பதற்காக.....

**************